Літаратурна-музычная гасцёйня, прысвечаная 140-годдзю з дня нараджэння класікаў беларускай літаратуры Якуба Коласа і Янкі Купалы, прайшла у Гуманітарным каледжы
- Информация о материале
- Опубликовано: 11 ноября 2022
9 лістапада бібліятэка падрыхтавала і правяла літаратурна-музычную гасцёйню "Мелодыю мовы славянскай я чую", прысвечаную 140-годдзю з дня нараджэння класікаў беларускай літаратуры Якуба Коласа і Янкі Купалы. 3 уступным словам выступіла бібліятэкар Шынтар Алена Пятроўна, якая паведала прысутным аб жыцці і творчасці беларускіх песняроў. Вершы пра Радзіму і мову, якія прагучалі з вуснаў удзельнікаў, абудзілі пачуцце гонару за родны край у сэрцах не толькі выканаўцаў, але і слухачоў.
Мерапрыемства суправаджалася слайдамі, якія дапамаглі здзейсніць віртуальнае падарожжа па Купалавых і Коласавых мясцінах, наведаць Вязынку і Яхімоўшчыну, а таксама дакрануцца да творчай спадчыны, якая была прадсталена кнігамі паэта.
